![\"\"](\"https:\/\/www.aisciudaladina.it\/wp-content\/uploads\/2020\/05\/Bertol1.jpg\")
Per chest l staf di Servijes Linguistics e Cultur\u00e8i del Comun general de Fascia, vid\u00e0 da la responsabola Sabrina Rasom, se \u00e0 piss\u00e0 de tor chesta ocajion per enjign\u00e8r n nef sit internet dedic\u00e0 a l event che oramai da passa 10 egn viventea ogne an la comunanza de Fascia la pruma setem\u00e8na de m\u00e9, ma che no l aea am\u00f2 na bela vedrina dedich\u00e8da su la gran str\u00e8des del web.<\/p>\n\n\n\n
L \u00e9 nasci\u00f9 coscita l sit www.aisciudaladina.it, dovent\u00e0 ence na ocajion per bin\u00e8r ensema e publich\u00e8r online sacotenc contegnui, ence chi de la edizions di egn pass\u00e9.<\/p>\n\n\n\n
Dai 4 de m\u00e9, donca, se pel tro\u00e8r online scric, retrac e video che rev\u00e8rda i cent egn de la bandiera ladina, con aprofondimenc storics enjign\u00e9 en colaborazion con l Union di Ladins de Fascia e con l Union gener\u00e8la di Ladins de la Dolomites e informazions su de autra scomenzadives che vegnar\u00e0 met\u00f9 a jir via per l 2020.<\/p>\n\n\n\n
L\u2019Aisciuda ladina l\u2019\u00e9 na festa voluda e de gran emportanza ence per i bec, che i speta con gran gaissa desche zenza, che te scola, rue Bertol\u2013mascotte de l\u2019event, ma ence gran cognoscidor de l\u2019identit\u00e0 e del lengaz ladin \u2013 che dal 2019 en ca l rua con sie pecont e colaborador Bertolin. Puramp\u00f2 i doi personajes no podar\u00e0 jir fora per la scoles, ma i speta picioi e bec sun chest sit con sorpreises da grign\u00e8r.<\/p>\n\n\n\n
Ma no dem\u00f2 la neves del 2020. L sit internet bina adum trop del materi\u00e8l de duta la edizions pass\u00e8des de la manifestazion, con chela de poder f\u00e8r n viac virtu\u00e8l per cognoscer i desvalives argomenc e i protagonis\u0107 che te chisc egn \u00e0 tout p\u00e8rt a l\u2019Aisciuda Ladina. <\/p>\n\n\n\n
N sit giusta nasci\u00f9, ma che podar\u00e0 seghit\u00e8r a crescer, se svilup\u00e8r e tegnir i contac con duc i desferenc setores de la comunanza, che fin da la pruma edizion l\u2019Aisciuda Ladina \u00e0 vard\u00e0 de arvejin\u00e8r.<\/p>\n\n\n\n
Donca, descheche aon empar\u00e0 te chest temp de isolament per stravard\u00e8r noscia sanit\u00e0, l apuntament per duc con l\u2019Aisciuda l \u00e9, per end\u00e8na, te la rei, enscin a canche no podaron se scontr\u00e8r endodanef per dur\u00e8r te la vita de ogne d\u00ec l lengaz ladin e per port\u00e8r inant e stravard\u00e8r tras la sacotanta ocajions cultur\u00e8les che vegn met\u00f9 en esser l\u2019identi\u00e0 de chest popol.<\/p>\n\n\n\n